2025 оны 12 дугаар сарын 05-ны өдөр ШУТИС-ийн Хүнс, Хөнгөн Үйлдвэрлэл, Дизайны Сургуулийн Биотехнологи, шим судлалын тэнхимийн D072103 “Хүнсний чанар, аюулгүй байдал” (ХЧАБ) бакалаврын хөтөлбөрийн магадлан итгэмжлэлийн ахиц дэвшлийн үнэлгээний комисс ажиллав.

ХЧАБ хөтөлбөр нь Боловсролын магадлан итгэмжлэх үндэсний зөвлөлийн Инженерчлэл, үйлдвэрлэл, барилга байгууламжийн чиглэлийн мэргэжлийн зөвлөлийн 2023 оны 06 дугаар сарын 29-ний өдрийн 2023/07–16 тоот тогтоолоор 5 жилийн хугацаатай магадлан итгэмжлэгдсэн бөгөөд тус тогтоолын хавсралтад 5 шалгуурын хүрээнд нийт 14 зөвлөмжийг өгсөн болно.

2025.12.05-ны өдөр ажилласан комисс нь:

• 2023.06.29-ний №2023/07–16 тоот тогтоолоор олгогдсон магадлан итгэмжлэлийн 20232031 дугаар гэрчилгээнд тусгагдсан
• 5 шалгуурын 14 зөвлөмжийн хэрэгжилтийн явц, ахиц дэвшилтэй газар дээр нь танилцаж,
• Хөтөлбөрийн орчин, сургалтын чанар, суралцагчдад чиглэсэн үйлчилгээ болон удирдлагын зохион байгуулалтын хүрээнд хийгдсэн сайжруулалт, бодит хэрэгжилтийг үнэлэн дүгнэв.

Комиссын үнэлгээгээр:

• Хөтөлбөрийн төлөвлөлт болон сургалтын орчныг үе шаттай сайжруулсан,
• Сургалтын төлөвлөгөөг ажил олгогч, төгсөгч, суралцагчдын саналд үндэслэн шинэчилсэн,
• Судалгааны болон лабораторийн орчныг сайжруулах чиглэлээр тодорхой ахиц гаргасан,
• Суралцагчдад чиглэсэн үйлчилгээ, тэтгэлэг, клубийн үйл ажиллагаа, сайн дурын оролцоог нэмэгдүүлэх бодит арга хэмжээ хэрэгжүүлсэн гэж дүгнэгдлээ.

Мөн өмнөх магадлангийн зөвлөмжүүдийн хэрэгжилтийг нэг бүрчлэн тайлагнасан “Ахиц дэвшлийн тайлан”-г хөтөлбөр хариуцсан профессор Б.Майзул, дэд профессор Х.Мөнхзаяа, ахлах багш Г.Мөнхцацрал нар боловсруулж, ахлах багш Н.Сугар, сургалтын мастер Б.Лхагвасүрэн, С.Оюунтуяа нар үйл ажиллагаанд дэмжин оролцсон тул талархал илэрхийлье.

ҮР ДҮН: Хөтөлбөрийн чанарын тасралтгүй сайжруулалтын тогтолцоо хэрэгжиж байгааг нотолж, цаашдын хөгжлийн зорилт, сайжруулалтын чиглэлийг тодорхойлох чухал алхам боллоо.

БИОТЕХНОЛОГИ, ШИМ СУДЛАЛЫН ТЭНХИМ

ХҮНС, ХӨНГӨН ҮЙЛДВЭРЛЭЛ, ДИЗАЙНЫ СУРГУУЛЬ