Япон улсын Кумамото их сургуулийн Шинжлэх ухаан, технологийн ахисан түвшний сургууль 6 сараас 1 жил хүртэлх богино хугацааны ахисан түвшинд суралцагчдад /докторант оюутан байвал давуу тал болно/ чиглэсэн солилцооны хөтөлбөрт хамрагдахыг урьж байна. Уг тэтгэлэгт хөтөлбөрт хамрагдсанаар лабораторид судалгаа хийхээс гадна тодорхой хичээлд  хамрагдан кредитээ тооцуулах боломжтой.  

Сургалтын агуулга:

• Судалгааны ажил
• Хичээлд суух /үзсэн кредитээ баталгаажуулсан гэрчилгээг олгоно/

• “Японы шинжлэх ухаан, технологийн өнөөгийн байдал” сэдэвт 2 кредитийн лекцийг намрын улиралд заавал үзнэ. Мөн хүрээлэн буй орчны холбогдолтой 3 хичээл заавал үзэх ёстой.
• Танилцах аялал
• Тайлан бичих
• Явц дундын шалгалт болон улирлын эцсийн илтгэл, тайлан

Тэтгэлэгийн хэмжээ:

• Сард 80,000 иен (нислэгийн зардал, байр, хоол,эрүүл мэндийн даатгал болон амьжиргааны бусад зардалууд багтсан.)

Сургалт үргэлжлэх хугацаа:

• 6 сар эсвэл 1 жил /2017 оны 10 сард эхэлнэ/

                   Өргөдөл гаргах сүүлийн хугацаа: 2017 оны 5 дугаар сарын 31 (Лхагва гариг)

Бүрдүүлэх материал:

1. Анкет бөглөх /Application form 1/
2. Одоо суралцаж буй сургуульдаа элсэн хэдийд төгсөх, хичнээн кредит үзэж судалсан талаарх бүрэлдэхүүн сургуулийн тодорхойлолт
3. Сурч, төгссөн их дээд сургуулиудын баталгаажуулсан дүнгийн хуудас (Англи хэл дээр, болон голч дүнг /GPA/ харуулсан)
4. TOEFL-pBT  /530 ба түүнээс дээш/,  TOEIC /700 ба түүнээс дээш/  IELTS /6  ба түүнээс дээш/, TOEFL-iBT /71 ба түүнээс дээш/

Жич: Дээр дурдсан шалгалтын оноонууд байхгүй болон хугацаа нь дууссан тохиолдолд ШУТИС-ийн ГХХАА-ны зүгээс явагдах Англи хэлний шалгалтанд хамрагдаж болно.  Шалгалт авах хугацааг мэдээллэх болно.

Дэлгэрэнгүй мэдээллийг энд дарж үзнэ үү.

Өргөдлийг /электрон болон цаасан хэлбэрээр/ ШУТИС-ийн Гадаад харилцаа, хамтын ажиллагааны албанд  өгнө.

                                                      Гадаад харилцаа, хамтын ажиллагааны алба